نصيحتي لاختبار القياس ..

السلام عليكم ^^

بنزل سلسلة تغريدية لي هنا ق1

قدرات : كلمة اربكتنا عقدت البعض وأخذت منهم أحلامهم يرونه إختبار تعجيزي وُضِع للحد من إبداعنا وليكون عائق أمامنا ..

هذا غير صحيح القدرات وُضِعت من أجلنا لتحديد قدراتنا هو لا يتعمد على ما درسناه بشكل مباشر بل يعتمد على ما استفدنا من الدراسة .. خلاصة دراستنا

القدرات : يختبرنا بأشياء يجب على أي طالب يكمل الدراسة الجامعية أن يحسنها ويعرفها .. يختبر قدرتك على القراءة والفهم السريع ..

من مميزات إختبار القدرات تطبيقهم للإنحراف المعياري .. لا أعرف عنه الكثير لكنه يربط قدراتك ببقية الطلاب وهذا بالنسبة لي مبشر =)

فحتى إذ لم أُقبل في الجامعة أو التخصص الذي أريده أعلم بأن من حلت بمكاني أجدر مني وأعلى مني مستوى .. وسأقبل بذلك راضية ^^

لكن لو كان المقياس في دخول الجامعة نسبة الثانوي فقط حتماً لن أقبل .. فلربما أنا أفضل منها مستوى وقدرات .. أكيد سأشعر بالظلم ><

انظروا أن القدرات وُضِع من أجلكم لا ضدكم .. وستشعرون بالرضا والراحة وتقبلوا الأمر كما هو .. فالمسؤولين يرون من زاوية أخرى ..

القدرات يقيس معدل استيعابك وسرعتك وقدرتك على التحليل والإستنباط .. القدرات معتمد بالدول المتقدمة كأمريكا واليابان وغيرها ..

في يوم الإختبار أحرص على أن تجهز نفسك نفسياً لاعقلياً ، لاتفتح كتاب ولاتراجع مسألة ، لاتذهب وأنت جائع أو ناعس أو تفكر بشيء آخر ..

في الأخير : فكرتك الإيجابية عن نفسك وعن الإختبار هي الأهم .. تنفس بعمق لتخفف من شدة التوتر ، كن جديّ وقت الإختبار وركز جيداً

لا تنسى الدعاء .. قل لأمك وأبوك يدعون لك .. اللهم لاسهل إلا ما جعلته سهلا وأنت تجعل الحَزَن إذا شئت سهلا  الله يوفقنا ..

هذا بداية طريقنا به نحدد مستقبلنا ، ربي أحسنت ظني بك وفعلت الأسباب فحقق أمنياتي ..

....

طبعاً هالشيء مايختلف كثير بالتحصيلي ..

إجمالاً :

القدرات = قدرتك العقلية في التفكير ..

التحصيلي = قدرتك الذهنية على تذكر المعلومات وسرعة استرجاعها ..

.
.

أخيرًا إليكم حسابي في أسئلة
التحصيلي(علمي طبعًا) :
إن شاء الله يفيدكم ^__^

@ta7sely

رحلة البحث عن عرجون

 آممم وشسمه 

عشان اليوم أمطرت ووناسة طلعنا للبر اليوم

كانت طلعة تمشي + تعرجن 

( تعرجن = البحث عن عراجين ، العرجون = فطر لونه ابيض له صورة تحت )

(أول شيء أعلق بعدين أنزل الصورة)

ممدري هالمكان يصلح يحط به هالأشياء أو لا بس خلاص مايمدي نويت أنزله وتوكلت على ربي ض1

المهم بالبداية طلعنا للبيت متجهين للبر :

   

الطريق هذا ناوين بلدية بريدة يحولونه لسكة قطار :

جانب من البر "المخيمات والدبابات وكذا" :

 هذا النفود اللي كل ماشفته أموت صياح ودي أطعس به 

بس لظروف دينية وأنه مليان شباب وكذا مايصلح =/

النخلة اللي تقول أختي عنه ساجده لربه :

 

هذا الشيء مكان حفلات الشتاء اللي تصير ببريدة

وتصور بالتلفزيون وهيك :

 

الحين نزلنا عن الرصيف ودخلنا جوا البر :

 بدينا نعرجن :

 1- تلاقي شكل العرجون مدفون كذا :

 2- ينزل أخوك الصغير يحفره مع ملاحظة إنك تحفره لمين يطيح العرجون :

3-شبه محفور :

4- طلع ، وانتهت العملية بنجاح ^ ^

عراجين أخرى :

 

جمعناهم هنا :

 

أثناء رحلة البحث عن العراجين لقينا ثلاثة مزايين صورت منهم اثنين :

نزلنا بهالمكان :

صورة للسماء:

عاد كذا خلصت رحلتنا ومسكنا طريق العودة :

على هالطريق شفت هالموية بس مدري منين جاية ومن متى موجودة !!

طبعاً حبيت اقول لكم إننا جمعنا 22 عرجون
كان نصيبي منها 6 عراجين محتلة المركز الثاني بعد أبوي ق1

آخر شي بقول لكم ترى التظليل الأسود ببعض الصور لاتحسبونه أصبعي

لا الجراب هو كذا =)

وما اكلت تراب اليوم ابداً :$

...

شكراً لكم بحجم السماء ..            

بدايةً

آممممم

ممدري وش أقول لكم ..

س1/ منهي أنا ؟

أنا جوجو .. بالمعرفات جوجو - ساما 

ساما تقال آخر اسم الشخص العظيم

يعني تقدرون تقولون جوجو - العظيمة أو جوجو طال عمرهـ

يمكن سميت نفسي كذا اختياري أو يمكن لأني ماقدرت أسمي نفسي جوجو - سان ..!

س2/ ليش فتحت المدونة ؟

يمكن عشان التويتر مايسمح إلا بـ 140 حرف وأحيان أحتاج حروف أكثر

ويمكن عشان الأشياء الحلوة ماتطير بين هذرتي الزايدة

 ..

المهم هذي مدونتي ونصيحة لاتفوتونه

ملاحظة / إذا كان خط كتابتي صغير قولوا لي =)

بسم الله الرحمن الرحيم ..

تمَّ افتتاح مدونتي ^ ^