سلسلة تغريدية أخرى ..

هي تتكلم عن إحدى أحلامي التي سأحققها ^_^

 @Ghd0o0sha - فيه سؤال دايم يجي على بالي !! وش طموحك وش تبين تتخصيين وتصيرين ؟؟

@jojo__sama - يووووووهـ ذآ شي كبير .. قولي : وش طموحاتك .. بـ أوجع راسك صدقيني ><"

@Ghd0o0sha - اوجعيني عالحكي يعجبني ما يوجع والله 😊

بدأتُ :

من طموحاتي : أكمل تعليمي وأحصل على الدكتوراه في الرياضيات .. طموحي أبتعث برى أكمل دراستي طموحي آخذ كم شهادة بكم تخصص

طموحي أحفظ القرآن كامل .. طموحي أبني مصنعي الخاص .. طموحي أبني مدرستي الخاصة .. طبعاً كل هالأشيء مخططة لهن مو بس كلام

لاتخيلات وأشياء كثيرة .. فمثلاً المصنع بيكون مصنع زجاج وأستفيد من رمل الربع الخالي ض1 المدرسة بتكون ابتدائي ~> متوسط

بهالمدرسة مخططة كيف إني بدرسهم الإستقلالية بالفكر كيف يخططون لحلمهم المستقبلي يعني وش بيكون في المستقبل

وبيساعدني إن المدرسة بتكون 9 سنوات ، يعني بحتويهم أيام المراهقة بعدين برسلهم لمدرسة الثانوية المعزولة عن هالمرحلتين .

هنا تفرعت بالمدرسة الثانوية :

 بالثانوية بخليها مدرسة داخلية يعني ينامون فيها بعزلهم عن المحيط اللي كانوا عايشين فيه قبل ونبدأ أساسيات تحقيق الأهداف

بصفي لهم الجو .. ببعدهم عن مايأثر عليهم بشكل سلبي .. لأني حسب ماشفت البنات يتأثرن بمحيطهن بالثانوي أكثر من المتوسط ..

اللي هدفه دكتور بخليهم يحتكون بالمستشفيات والدكاترة الصدقيين .. واللي هدفه رسام أو مصوّر بوديه لمعارض وبأنشء لهم

بأنشء لهم أماكن رسم متطورة فيها كل شي .. أنا الآن أتخيل شكل غرف الرسم الواسعة ذات اللون الأبيض والأركان السبعة

شكل الغرفة غير منتظم.. أمام أحد الجدران مكتبة مليئة بالكتب الورقية والإلكترونية المملوءة بدروس تعليم الرسم وبالصور =)

طبعاً حتى قسم الطب الذي يحتوي على الدكاترة + الممرضين + البيطرين +عالمي الأحياء لهم فرعهم الخاص بهم.. فيه أقسام ثانية

مثل غرفة الفيزيائيين + المهندسين + الرياضيين.. طبعاً هالغرف كلهن موجودات بقسم مع بعض.. يغلب على قسمهم اللون التفاحي=)

فيه غرف لعشاق الكتب وللفلسفيين وللمؤلفين كلهم قسم واحد لون قسمهم خشبي + ألوان .. فيه قسم لصاحبي الصوت الشجي ^_^

وبقية الأقسام تفتح حسب مايطلبه الطلاب .. لكن تراه مو هذي الدراسة .. هذي كلها في مبنى واحد =)

المدرسة متكونة من 5 مباني .. مبنى الدراسة العامة + مبنى الدراسة المتخصصة + مبنى الترفيه والرياضة + مبنى السكن + مبنى المحاضرات

طبعاً بعض المباني الدور الأول فيه غرف المعلمين والبعض الآخر الدور الأخير .. عدد الأدوار لايعرف كم -_-"

مبنى الدراسة العامة هي تقريباً شبيهه بالدراسة الطبيعية يدرسون فيه مختلف العلوم وهو أكثر مكان يجلسون فيه مدة الحصة ساعة

سالفة إن الشخص مايستوعب إلا 45 دقيقة فقط اختلف معها.. كم مرة معلمة تشرح لنا حصتين ونركز معاها حتى الجامعة ساعتين أوأكثر المهم بنخليها ساعة أضبط للمواعيد ..

يومهم الطبيعي : الساعة 6:30 ~> 7:00 صباحاً فطور 7:00 ~> 10:00 صباحاً ثلاث حصص

طبعاً كل الطلاب في مبنى الدراسة العامة ..
الساعة 10:00 ~> 12:00 راحة + اللي يسوي بحث يحل واجب يقرأ كتاب بس مايطلعون من هالمبنى

يعني تقريباً مو راحة راحة لا بس وقت للتعليم الذاتي .. الإزعاج هنا ممنوع واللي يصرخ يدفع غرامة .. لكن عادي تسترخي =)

المبنى مافيه مطعم بس بوفيه يبيع أشياء خفيفة ..
الساعة 12:00 ~> 1:00 يفتح باب المبنى ويجوز للطلاب الخروج وأكل الغداء =)

الساعة 1:00 ~> 4:00 ثلاث حصص تكون بمبنى الدراسة المتخصصة .. بس الحين مو كل واحد ويروح لقسمه لاالحين وقت الدراسة التطبيقية

يعني الثلاث الحصص الأولى كلها نظرية + شرح على صور وكذا يعني أشياء غير ملموسة مثل لو يدرسون اللغة العربية التاريخ..إلخ

أما الثلاث الحصص الأخيرة حصص الأحياء بقسميه .. الرسم وبيكون هالشيء إلزامي لكن هالحصص ترفيهية أكثر من تكون حازمة =)

يعني هنا يجي دور المعلم الكفؤ.. مثلاً معلم الأحياء يعلم طلابه متعة النظر إلى الخلايا أكثر من مشقة التعرف على الخلية^^

من 4:00 إلى 8:00 فسحة مطلقة .. هنا تجد طالب يخرج ليرى أخوه بينما الآخر يعتكف في غرفة الفلسفة .. كيفهم ^__^

8:00 ~> 10:00 الحصة الإختيارية وقتها ساعتان .. الآن الكل يدخل قسمه المحبوب ليعزف فيه لحنه = مبنى الدراسة المتخصصة

10:00 ~> 10:30 عشاء خفيف 11:00 يغلق على الطلاب وبعض المعلمين مبنى السكن ويحرس الحارس باب المدرسة بينما الجميع نيام^^

 أنتهى حلمي الذي سيتحق يوماً .. شعار مدرستي : ( حينما يكون طموحنا صادق نحن لانستسلم ) أسم المدرسة : غير معروف

هذا "إحدى" طموحاتي التي سأراها قد تحققت بمشيئة الله سأتوقف هنا ولن أسرد البقية .. في يومٍ آخر بإذن الله ^_^

 

.

.

.

الطموح لاينحسد عليه طالما بقي حبيس المخيلات ❤